Mir woren jestern ovend bei de Höhner he beij uns in Bonn in däm neue Telekom Dome vun de Telekom Baskets. Un et wor widder fantastisch. Die Jungs han esch su ne Power un positive Ausstrahlung – dat mät einfach nur Spaß! Mir han jedanz, jehüpp un jefiert!
Höhner – Mir jeiht et jot – MyVideo
Un wenn mer ens e bisje simmeliere dät, dann kann ma uch ne Menge liere von där Jungs…
… zum Beispiel wie wischtisch et is an sisch zu glöwe – nit up die Lück ze höre, die Dir immer saje:
Du kanns dat nit – dat schaffs Du nie.
Dä janze Driss ejnfach hinger Dir zu losse – Disch widder zu föhle, einfach ze wisse, wat für en wundervolle Minsch do bis!! Ejnfach zu wisse, dat Du in Dingem Lävve all dat maache kanns, wat Do mache wills!! Et jit nix, wat Do nit schaffe kanns… und wenn Dir ens üvverläs, wat Do bis hück at all jeschaff häs, dann weed Dir uch immer klorer: Et is ja nit so unwahrscheinlisch, dat Do uch all dat schaffe wees, wat Do Dir vürjenomme häs.. Do häs nämlisch at all dat Wisse, all die Kraff in Dir. Un wenn Do ens jet tiefer in Disch luure kanns, dann weijs Do uch, wu all die Kraff in Dir es… Do kanns se fühle… spüre, dat die Äpfel jetz nimmieh so huh hänge… dat all dat schun lang in Dir es… und Do kanns et spüre… zo jeder Zick, wenn Do Disch erinnere kanns, wie et is, wenn Du janz teef mit Dir verbunge bis.. wenn Do widder fühle kanns, jeder Ocheblick is jenau rischtisch … un et jid nix, wat Disch vun Dingem Wääsch avvbrigne künnt.. un dat et ja nit e su schwer es wie die Lück sache…
Un wenn Do uch dat Jeföhl in Dir han wills… spüre wie et is, wenn Dir alles janz einfach vun dr Hand jeht, ejnfach, weil Do widder weijs, wer Do bis un wat Do alles kanns, dann kanns Do jetz losläje! Luur Dir ejnfach all die jooten Saache an, die Do in Dingem Lävve schon jedonn häs, luur Dir an, föhl, wie viel Liebe Do at jewävve häs, wie et is, die Kraff un die Liebe in Dir ze spüre… un uch, wenn Do dat jetz noch nit bewuss föhle kanns, et jit ne Teil in Dir, dä weijs jenau, wat isch meijn…
Un wenn Du noch jet tiefer jon wills, dann kanns Do Dir jo noch ens dat Video von de Höhner anluure und wahrscheijnlich föhlst Du danach uch:
„Mir jeht et joot!!“
Et jit ja nix up dä Wält, wat Do nit kanns!! Do kanns alles don, wuvon Do jedräump has!
Dat Lävve he is för Disch! Un et is för Disch, damet Do Disch he wohlföhle kanns, damet Do jlücklisch seijn kanns.
Damet Do Ding Dräum wahrmache kanns!
Ding Lävve es zu koot, um Disch dä janze Daach nur mit Sorje ze quäle! Un dat is uch nit dat, wofür där Herrjott Disch herunger jeschick hätt – dä hätt Disch hä up die Ääd jeschick, damet Do Dinge Deijl dazu beijdrache kanns, dat et he noch e bisje bunter, jecker, schöner weed!! Damet die Liebe noch mih wachse kann – damet jeder Minsch dat Jeföhl von Freiheit un Liebe in sisch föhle kann! So wie Do et uch manschma föhle kanns!
Ding Dräum sin doför da, dat Do se waamääs!!
Lääv Ding Lääve!! Hück!!
Vell Spaß un ne wundervolle edzte Advent!!
Lass et Sönnschen erinn!!
André
